Musik: Eric Clapton – Text: Fred Kraus

Wann die Wertsleit mer bestelle unn Verlängerung oamelle,

dann waaß ich, es iss net mehr weit.

Wann die Kerweborsch sich treffe, um sich tierisch oan’ zu gewwe,

dann kimmt im Joahr die schennste Zeit.

Im Wald soi wie die Schlaue unn in’s Ort sich nol getraue,

die Mädjer hunn sich foi gemacht.

Wann de Kerwemarsch erklingt, unn des ganze Örtje singt,

do werd gefeiert bis in die Nacht.

Es iss widder Kerwezeit, es iss widder Kerwezeit,

die Boppe, die duhn winke – unn mir duhn Schobbe trinke,

es iss widder Kerwezeit.

In de Bar, do werd gesunge unn um jeden Platz gerunge,

an de Kerb, do sieht mer dausent Leit,

mer hot sein beste Freund getroffe, do druif werd oaner gesoffe,

de Hoamweg iss jo noch so weit.

Wann die Tisch zusammekrache, duht de Kerwevadder lache,

dann heit iss er de King uff Kerb,

hot koan Penning in de Tasch’ unn in jeder Hand e Flasch’,

mol sehe wie’s heit nacht noch werd.

Es iss widder Kerwezeit, es iss widder Kerwezeit,

die Boppe, die duhn winke – unn mir duhn Schobbe trinke,

es iss widder Kerwezeit.

Mondaach morje halb vergammelt werd zum Friehschoppe gesammelt,

die Korweborsch sinn voll gut druff,

unn do steh’n se newer’nanner, oaner schonner wie de anner,

unn gewwe noch mol richtisch Stoff.

Die weiße Hemder soin versaut – mit Rippcher unn mit Kraut, –

ach, woss iss die Kerb so schee,

unn geht se jetzt aach bald zu End, weil am Tisch schunn jeder pennt,

nechst Joahr geh’n mer all widder hie!

Es iss widder Kerwezeit, es iss widder Kerwezeit,

die Boppe, die duhn winke – unn mir duhn Schobbe trinke,

es iss widder Kerwezeit. (2x) (DANN PAUSE! ——)

Es iss widder Kerwezeit, es iss widder Kerwezeit,

die Boppe, die duhn winke – unn mir duhn Schobbe trinke,

es iss widder Kerwezeit!